Nuummi 100-nit amerlanerusut nutaat tunillanneqarsimasutut paasineqartut

115-it nutaat coronavirusimik tunillanneqarsimasutut paasineqarput, taakkunanilu 101-it Nuummiillutik. Tunillatseqqasulli ikileriarput.

Allattoq Mathies Hvid Toft, Ivik Kristiansen

decembarip 31-at 2021 16:43

Inuit 115-it covid-19-imik tunillanneqarsimasutut ippassarmit decembarip ulluisa 30-annit paasineqarput.

Kisianni ippassaq misissuinerit ilaat suli naammassinngillat.

Nunatsinni Nakorsaaneqarfik taama nalunaaruteqarpoq.

- Nalunaarsuinermi ukiumi matumani kingullermi 115-it nutaat tunillanneqarsimasutut paasineqarput. Nuummi 101-it, Kangerlussuarmi qulingiluat, Ilulissani pingasut Aasiannilu ataaseq paasineqarput, Nunatsinni Nakorsaaneqarfimmit allapput, nangillutillu:

AAMMA ATUARUK Coronamut misissukkat aatsaat taama amerlatigisut akissutisinissaq sivisunerutikkaat

- 2021-mili decembarip ulluisa 30-anni misissuinerit ilaat piffissami nalunaarsuiffimmi suli naammassinngillat.

Ataatsimoortillugit nalunaarsuutit aqagu naammassineqarnissaat naatsorsuutigineqarpoq.

Tunillanneqartut amerliartoraluartut covid-19 pissutaalluni uninngasut ataatsimik ikileriarput. Uninngasut nuna tamakkerlugu maanna marluupput.

Tunillatseqqasut maanna 346-pput. Tassalu 60-inik ikileriarsimapput.

Nutaarsiassami kukkunermik nassaarsimaguit uunga allaffigineqarsinnaavugut.