Qasigiannguiani innuttaasut ikuallattumik eqqugaasunut katersuiniartut
Qasigiannguani illut uiguleriaat akornanni tallimanngormat ikuallattoqarpoq.
Najugaqarfiit marluk pequtitik atisatit suuttitillu tamaasa annaavaat. Taamaammat Qasigiannguani innuttaasut eqqugaasunut maanna katsersuiniarput.
Katersuiniaritisilluni aaqqissuussisut siulitaasuat Paulus Qvist Qasiginnguit taama oqarpoq.
- Atisatik atortutik tamaaviisa annaavaat. Suutaarupput, pequtinut alllaat suutaarupput, illoqatigiit taakkua, Paulus Qvist oqarpoq.
AAMMA ATUARUK Qasigiannguani ikuallanneq: Angut portusuumiit pissittoq maanna nakorsanit sinitsinneqarpoq
Uiguleriinni ikuallattumi taassumalu sanilerisaannittut ilaqutariit ikiorniarlugit katersuiniartoqassaaq.
Suliffeqarfissuit Royal Greenland aamma piniarfiutileqatigiiffik Pilersuisoq tapiissuteqarniarlutik neriorsuipput taamattaaq Qaisigiannguani Katersugaasivik.
Paulus Qvist oqarneratut ikuallattoqarmat Qasigiannguarmut attortipput:
- Nunaqqatigut naapitagut takullattaakkagut attorteqqapput, aamma attortinnarami. Pisoq sakkortugami, illoqarfik mikisunnguugami immitsinnullu nalunngerrattorujussuulluta. Amerlasuujusugut attorteqqavugut.
Akuersissummik utaqqiinnartut
Katersuiniartitsinissaq oqartussaasunit akuerineqarpat Qasigiannguani nipilersortartut tusarnaaritsiniarlutik neriorsuipput.
AAMMA ATUARUK Illut uiguleriit ilaanni ikuallattoqartoq: Inuk ataaseq ajoqusertoq
Katersuiniarlutik aaqqissuisut katersuiniartitsinissaannik oqartussaasunit akuerineqartut, Paulus Qvist KNR-imut ilisimatitsivoq.
Ilaqutariit ikuallattoqarnerani eqqugaasut inissinneqarallarfissaanik
Inissiaatileqatigiitik INI A/S maanna misissuivoq.
